الطنجية البهجاوي

اذهب الى الأسفل

الطنجية البهجاوي

مُساهمة من طرف marakchi1 في الثلاثاء مارس 31 2009, 12:42

الطنجية
البهجة معروفة ب الطنجية
ومَعروفة ب الطَيابْ بلْدي
قبَلْ ما نَفْتَحْ ليكمْ الشَهية
هَزيتْ الكَفة أُمشيتْ نَقْضي
طنْجية واشْ مَنْ طنْجية
أُطنْجية انْواعْ
فيها باللوزْ اُفيها ب الكَرْكَاعْ
فيه بثمَرْ أ فيها ب المصيّرْ
أفيها ب الحوتْ إلا كانْ مَخيّرْ
أفيها ب اللهْبيلة إلا ابغيتي تَتَحيّرْ
بديتْ طْريقي عنْد الكزارْ
أُبظَبتْ عَندْ السي عمَرْ
رجل مَعقولْ أميزانو وافي
ما إغَشْ عيبو غيرْ لقْوافي
شاَ فيا أسَرحْ اللحمْ
كالْ لي هانا أسيدي تكَلَمْ
ها لَكْتَفْ ها المَلْج
يا لاَهْ أمولايْ تفَجَجْ
هَزْ الموسْ ألَمْسنْ
أبدا إطَقطق كيفْ عرفْتو
كحلْ عينَكْ وتْفنَنْ
هاد اللحمْ عاد جبْتو
ف الحقيقة الحيماتْ غيرْ أعشاقة
كلْت لوُ عَبرْ المَلْج أحيّدْ الصْفاقة
ما كَثرْتْ معاهْ راهْ الصقا
دزْت عَند بلْقاسْ البَقالْ
راجل سوسي أميزانو مسماري
حانتو مرَوْنة تكُولْ تيضرَبْ الفالْ
بدا إعوَدْ لي عل الدراري
كَلت ليهْ سَرْبني راني زَربانْ
أعْبرْ لي لي كَدْني فداكْ الميزانْ
مَنْ السمَنْ والكمون وزعفرانْ
ولَمْصيرْ أمتَنساشْ راسْ الحانوتْ إكونْ مزْيانْ
حطيتْ الطنجية أكانتْ مغسولة ونْقية
والكَفة أُلَمْقَدْية
أقَاعيتْ بَيْن إيدية
بديتْ أنْصَبْ أنقي فالحينْ
أعكَدْها بَقنَبْ مْثينْ
أوعَدتْ الفرْناتْشي د بالخيرْ
ف الطنجية راجل خبيرْ
القيتو راشْ أمفرشْ لَحْصيرْ
أصنية أبراد كبيرْ
عرفتوأبغى إهَرسْ لي راسي
تَكْحازْ الطبلة أزادْ الكرْسي
مسْكينْ تايَبْغي إعرفْ هاد زَمانْ
أما دارو هادْ القومانْ
والحرب أما اجرى فشيشانْ
والقاعدة والطلبانْ
والعراق مع المركانْ
كَلتْ لو راني ماشي
اشْ دخلْني فهاد السوقْ
أنا بغيتْ غيرْ كرْشي
ألْخالقْ كَادْ بالمخلوقْ
عفاكْ لاضرْبونا بالعينْ
طابتْ واللحمْ راهْ بنينْ
تَخْفطنا عليها أحنا رَبعة أزيدِ اثنينْ
ماكايَنْ غيرْ لَعْمايَرْ مزَدْيِينْ
ولَحْنوكْ لاتَسَولْ غيرْ مطَنْبينْ
عكبالْ اتكونو معنا مجْموعينْ


marakchi1
عضو متطور
عضو متطور

ذكر
عدد الرسائل : 132
العمر : 22
تاريخ التسجيل : 15/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الطنجية البهجاوي

مُساهمة من طرف كلثوم الصحراوية في الثلاثاء مارس 02 2010, 07:06

الله يعطيك الصحة

كلثوم الصحراوية
عضو جديد

ذكر
عدد الرسائل : 2
العمر : 28
تاريخ التسجيل : 28/02/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى